አለም አቀፍ የፋይናንስ ሪፖርት አዘገጃጀትና አቀራረብ ደረጃዎች IFRS ለመተግበር ይረዳ ዘንድ የድርጅታችንን ቋሚ ንብረቶች የዋጋ ትመና ስራ በፕሮጀክቶች ደረጃ እንዲተገበር በተወሰነው መሰረት ቋሚ ንብረቶችን በአለም አቀፍ ዋጋ ትመና ስታንዳርድ /international valuation standard/ መሰረት በመገመት ከፍተኛ አስተዋፆ ላበረከቱ ሰራተኞች የምስጋና የምስክር ወረቀት ተሰጠ፡፡በመንገድ ላይ የትራፍክ አደጋን ለመከላከል የፐብሊክ ሰርቪስ ሰራተኞች ትራንስፖርት አገልግሎት ድርጅት ሠራተኞችና የአዲስ አበባ ፖሊስ ትራፊክ ቁጥጥር አባላት የጋራ ምክክር አደረጉ፡፡ ‹‹መንግስት ሰራተኛውን አክብሯል፡፡››

ሀገራችን በእድገት ጎዳና ላይ ትገኛለች ፡፡ ከዘመናት በፊት ከሁሉ ቀድማ በአክሱም ላሊበላ፣ በጎንደር በየሃ የስልጣኔ ሻማ የለኮሰች ሀገር እጅግ በፈጠነ ሁኔታ ከድህነት ወለል በታች ወድቃ ተረጂና ተመፅዋች የነበረችበት ዘመን ያልፍ ዘንድ እጅግ በጀገነና በታተረ ትውልድ ታሪኳን ለመቀየር እየተከፈለ ባለ ሁለንተናዊ ትግል ዛሬ ሀገራችን በዕድገቷ እየተጠራች፣ ባላት የሰላም አየር እየተሞገሰች ትገኛለች፡፡ ይህ ለሀገራችን ለህዝቦቿ በአለም አቀፍ ደረጃ የተነገረ ክብሯ የሚገልፅ ነው፡፡

 አምባገነኑ ስርዓት በሀገራችን ብሔር ብሔረሰብቦችና ህዝቦች በጋራ ክንድ በመራራ ትግል በተሸነፈ ማግስት የተለኮሰው የዕድገት ሻማ ከጭላንጭል ብርሃንነት ወደሚታይ የዕድገት ነፀብራቅነት ተቀይሮ ነጋዴው በንግዱ ገበሬው በእርሻው ሰራተኛው በስራ ገበታው የበኩሉን ለሀገሩ ያደረገው አስተዋፅኦ ዛሬ ለተገኘው ባለ ሁለት አሃዝ ዕድገት የማዕዘን ድንጋይ ሆኖአል፡፡

መንግስት በዕቅድና ስትራቴጂው የግል ባላሀብቱንና ሰራተኛውን ለማበረታታት ያደረገው ድጋፍና እገዛ ባሻገር በተለያዩ የመንግስት ተቋማት ውስጥ ተቀጥረው ለሚያገለግሉ ሲቪል ሰርቪስ ሰራተኞችም በየጊዜው ያደረገው የደሞዝ ጭማሪ የመኖሪያ ቤት ዕጥረትን መቅረፍና አሁን በቅርቡ ደግሞ የትራንስፖርት ችግርን ለመቅረፍ መስጠት የጀመረው አገልግሎት ከብዙ ጥቂቶቹ ናቸው፡፡ እነዚህ የማበረታቻ እርምጃዎች የፐብሊክ ሰርቪስ ሰራተኛው መንግስት የሰጠውን ህዝብን የማገልገል ኃላፊነት ለመወጣት አቅም እንደፈጠረለት በተለያዩ ጊዜያት የተደረጉ ጥናቶች ይጠቁማሉ፡፡

የፐብሊክ ሰርቪስ የሰራተኞች ትራንስፖርት አገልግሎትን ዕውን ለማድረግ መንግስት ጥናቱን ይመሩ ዘንድ ኃላፊነት ከጣለባቸው ጥቂት ባለሙያዎች መካከል የሲቪል ሰርቪስ ሚንስቴር ሚንስትር ዴኤታ ዶ/ር ምስራቅ መኮንን አንዷ ናቸው፡፡ ሚንስትሯ ስለ ጥናቱ መነሻ ሀሳብ ሲገልጹ፡-  

አለም አቀፍ የፋይናንስ ሪፖርት አዘገጃጀትና አቀራረብ ደረጃዎች IFRS ለመተግበር ይረዳ ዘንድ የድርጅታችንን ቋሚ ንብረቶች የዋጋ ትመና ስራ በፕሮጀክቶች ደረጃ እንዲተገበር በተወሰነው መሰረት ቋሚ ንብረቶችን በአለም አቀፍ ዋጋ ትመና ስታንዳርድ /international valuation standard/ መሰረት በመገመት ከፍተኛ አስተዋፆ ላበረከቱ ሰራተኞች የምስጋና የምስክር ወረቀት ተሰጠ፡፡በመንገድ ላይ የትራፍክ አደጋን ለመከላከል የፐብሊክ ሰርቪስ ሰራተኞች ትራንስፖርት አገልግሎት ድርጅት ሠራተኞችና የአዲስ አበባ ፖሊስ ትራፊክ ቁጥጥር አባላት የጋራ ምክክር አደረጉ፡፡ ‹‹መንግስት ሰራተኛውን አክብሯል፡፡››

ሀገራችን በእድገት ጎዳና ላይ ትገኛለች ፡፡ ከዘመናት በፊት ከሁሉ ቀድማ በአክሱም ላሊበላ፣ በጎንደር በየሃ የስልጣኔ ሻማ የለኮሰች ሀገር እጅግ በፈጠነ ሁኔታ ከድህነት ወለል በታች ወድቃ ተረጂና ተመፅዋች የነበረችበት ዘመን ያልፍ ዘንድ እጅግ በጀገነና በታተረ ትውልድ ታሪኳን ለመቀየር እየተከፈለ ባለ ሁለንተናዊ ትግል ዛሬ ሀገራችን በዕድገቷ እየተጠራች፣ ባላት የሰላም አየር እየተሞገሰች ትገኛለች፡፡ ይህ ለሀገራችን ለህዝቦቿ በአለም አቀፍ ደረጃ የተነገረ ክብሯ የሚገልፅ ነው፡፡

 አምባገነኑ ስርዓት በሀገራችን ብሔር ብሔረሰብቦችና ህዝቦች በጋራ ክንድ በመራራ ትግል በተሸነፈ ማግስት የተለኮሰው የዕድገት ሻማ ከጭላንጭል ብርሃንነት ወደሚታይ የዕድገት ነፀብራቅነት ተቀይሮ ነጋዴው በንግዱ ገበሬው በእርሻው ሰራተኛው በስራ ገበታው የበኩሉን ለሀገሩ ያደረገው አስተዋፅኦ ዛሬ ለተገኘው ባለ ሁለት አሃዝ ዕድገት የማዕዘን ድንጋይ ሆኖአል፡፡

መንግስት በዕቅድና ስትራቴጂው የግል ባላሀብቱንና ሰራተኛውን ለማበረታታት ያደረገው ድጋፍና እገዛ ባሻገር በተለያዩ የመንግስት ተቋማት ውስጥ ተቀጥረው ለሚያገለግሉ ሲቪል ሰርቪስ ሰራተኞችም በየጊዜው ያደረገው የደሞዝ ጭማሪ የመኖሪያ ቤት ዕጥረትን መቅረፍና አሁን በቅርቡ ደግሞ የትራንስፖርት ችግርን ለመቅረፍ መስጠት የጀመረው አገልግሎት ከብዙ ጥቂቶቹ ናቸው፡፡ እነዚህ የማበረታቻ እርምጃዎች የፐብሊክ ሰርቪስ ሰራተኛው መንግስት የሰጠውን ህዝብን የማገልገል ኃላፊነት ለመወጣት አቅም እንደፈጠረለት በተለያዩ ጊዜያት የተደረጉ ጥናቶች ይጠቁማሉ፡፡

የፐብሊክ ሰርቪስ የሰራተኞች ትራንስፖርት አገልግሎትን ዕውን ለማድረግ መንግስት ጥናቱን ይመሩ ዘንድ ኃላፊነት ከጣለባቸው ጥቂት ባለሙያዎች መካከል የሲቪል ሰርቪስ ሚንስቴር ሚንስትር ዴኤታ ዶ/ር ምስራቅ መኮንን አንዷ ናቸው፡፡ ሚንስትሯ ስለ ጥናቱ መነሻ ሀሳብ ሲገልጹ፡-  

ለፐብሊክ ሰርቪስ ሰራተኞች የትራንስፖርት አገልግሎት መመስረት ዋነኛው ምክንያት?

“ለፐብሊክ ሰርቪስ ሰራተኞች የትራንስፖርት አገልግሎት መመስረት ዋነኛው ምክንያት በትራንስፖርት ችግር ሳቢያ በአገልግሎት ሰጪውና በአገልግሎት ፈላጊው ላይ እየታዩ ያሉ ችግሮች መባባስ ነው፡፡ ይህ ችግር እየሰፋ ከሄደ በመልካም አስተዳደሩ ላይ የሚያመጣው አዎንታዊ ገፅታ አሳሳቢ በመሆኑ ከገንዘብ በበለጠ በዓይነት ሰራተኛውን ማገዝ አስፈላጊ ሆኖ በመገኘቱ ነው፡፡ አብዛኛው የፐብሊክ ሰርቪስ ሰራተኛ የሚኖረው ከከተማ ራቅ ባሉ አካባቢዎችና በጋራ መኖሪያ ቤቶች ውስጥ በመሆኑ ወደ መሀል ከተማ መጥቶ ስራውን ለመስራት በትራንስፖርት ችግር ከመንገላታቱም ባለፈ የጊዜ እጥረትም ያጋጥመዋል፡፡ የትራንፖርት ወጪውም ከገቢው ጋር የሚመጣጠን አይደለም ይህንንና ሌሎች ዘርፈ ብዙ ችግሮችን በጥናታችን ለይተን ነው ወደ ስራ የገባነው ፡” በጊዜው ባልተሟላ ሁኔታ የመንግስት ዕቅድ ዕውን ይሆን ዘንድ የተቻላቸውን ጥረት ማድረጋቸውን ይገልፃሉ፡፡አገልግሎቱ ከጀመረ የአንድ ዓመት ጊዜ ብቻ ያለው የፐብሊክ ሰርቪስ ሰራተኞች ትራንስፖርት አገልግሎት መንግስት የመደበው የስምንት ሰዓት የሥራ ጊዜ በተገቢው ሁኔታ ተከብሮ ዜጎች ሊያገኙት የሚገባቸውን ተገቢ አገልግሎት እንዲያገኙ በማድረግ በኩል ድርሻው የላቀ እንደሆነ የአዲስ አበባ አስተዳደር የሲቪል ሰርቪስ ኤጀንሲ ዋና ዳይሬክተር አቶ ዘገየ የማነ ብርሃን ይናገራሉ፡፡

አገልግሎቱ ከመጀመሩ በፊት ሠራተኛው በምን ሁኔታ ላይ ነበረ?

‹‹ አገልግሎቱ ከመጀመሩ በፊት በከተማችን ካለው የትራንስፖርት አገልግሎት እጥረት ሳቢያ በርካታ ሰራተኞች በሰዓቱ ስራ አይገቡም ነበር፡፡ ይህ በስራችንና ልናመጣ የምንፈልገውን ውጤት እንዳናገኝ አንዱ እንቅፋት ነበር፡፡ ሰራተኞቻችን ሁል ጊዜ ወደእኛ አቤት ይሉ ነበር፡፡ በአስተዳደሩ ስር ከሰባ ስምንት ሺህ በላይ የሲቪል ሰርቪስ ሰራተኞች አሉ፡- እነዚህ ሰራተኞች ከተለያዩ ቦታዎች ነው የሚመጡት ፡፡ ከደብረዘይት ፣ከላፍቶ ፣ ከቡራዩና በጣም ከመስሪያ ቤታቸው ከራቀ አካባቢ ወደ ስራ ቦታቸው ለመምጣት እስከ አራት ታክሲ የሚይዙ ሰራተኞች ነበሩን፡፡ ደሞዛቸውም ዝቅተኛ የሆኑ ሰራተኞች ከሚያገኙት ላይ ቀንሰው እየከፈሉ ነው ወደ ስራ ገበታቸው የሚመጡት ፡፡ ይህ አገልግሎት ከተጀመረ ጊዜ አንስቶ ወጪ ከመቀነሱ ባሻገር ያለምንም እንግልት ወደ ስራው በሰዓቱ ገብቶ ወደ ቤቱ በጊዜ ይደርሳል፡፡››አቶ ዘገየ እንደሚናገሩት ምንም እንኳን የሰራተኛው ጥያቄ የተለያየ ቢሆንም እና መንግስት ሁሉንም ጥያቄዎች በአንድ ጊዜ መመለስ ባይችልም ከሰራተኞቹ ጋር በየጊዜው በሚያደርጉት ስብሰባ በትራንስፖርት ረገድ ያለው አገልግሎት አርኪ እንደሆነ ይነገረናል ይላሉ ፡፡“ሰራተኛው ይደርስብን ከነበረው ውጣ ውረድ ድነናል በተለይ ከሩቅ አካባቢ የምንመጣ ሰራተኞች እፎይታ አግኝተናል፣ መንግስት በዚህ የሰራተኛው ባለውለታ ነው በማለት ዘወትር ያመሰግናሉ፡፡”

የሲቪል ሰርቪስ ሚንስቴር ዴኤታ ዶ/ር ምስራቅ መኮንን የተገኙ ውጤቶች እንዳሉ ሆነው የሚቀሩ ስራዎች ላይ ትኩረት ማድረግ ይኖርብናል ይላሉ፡፡

“ጥናቱ ሲጠና ሁሉም የፐብሊክ ሰርቪስ ሰራተኛ ትራንስፖርት አገልግሎት እንዲያገኝ ነው ፡፡ ነገር ግን ይህ ሁኔታ እንደታሰበው አይደለም እየተተገበረ ያለው በአብዛኛው በከተሞች መሀል ያሉ ሰራተኞች ተጠቃሚ እየሆኑ አይደለም ፡፡ ምክንያቱም አውቶቡሶቹ ራቅ ካሉ መነሻ መስመሮች በርካታ ሰራተኛ ሞልተው ስለሚመጡ የመሀል አካባቢ ነዋሪዎችን እያለፏቸው ነው የሚሄዱት በዚህ ሁኔታ መንግስት የሰጣቸውን መብት የሚያጡ ሰራተኞች ይኖራሉ ማለት ነው፡፡ በመሆኑም ትራንስፖርት አገልግሎቱ የታቀደለትን ግብ ሙሉ ለሙሉ እንዲሳካ በቀጣይ ልዩ ትኩረት ተሰጥቶት ተጨማሪ አውቶቡሶች ተጨምረው በታሰበው መልኩ ስራው ሊሰራ ግድ ነው፡፡”“በቀጣይ ለስራው መቀላጠፍ ወሳኝ የሆነውንና እስካሁን ዕልባት ያልተገኘለት የአውቶቡስ ማቆሚያ ዲፖ ጉዳይ ሊታሰብበት ይገባል፡፡ ቦርዱና ማኔጅመንቱ ከሚመለከታቸው የመንግስት አካላት ጋር ሊመክሩበትና መፍትሔ ሊፈልጉለት የሚገባ ጉዳይ ነው፡፡ በመነሻ ጥናታችን ላይ ይህ ጉዳይ አፅዕኖት ተሰጥቶበት ቦታዎችም ተለይተዋል፡፡ በመሆኑም ከአውቶቦሱቹ ደህንነት አኳይም ብቻ ሳይሆን ለስራው ቅልጥፍና ሲባል ተግባራ ሊሆን ይገባል፡፡

የአዲስ አበባ ሲቪል ሰርቪስ ኤጀንሲ ዋና ዳይሬክተርም በሚኒስትሯ ሀሳብ ይስማማሉ ፡፡ “አሁን ድርጅቱ ባሉት አውቶቡሶች እያገለገለ ያለው ከአርባ ሺህ በላይ ሰራተኞችን ነው፡፡ ያሉን ሰራተኞች ደግሞ ከ78 ሺህ በላይ ፡፡ እጥረት አለ፡፡ ወደፊት ተጨማሪ አውቶቡሶች ሲሰማሩ የእነሱን ጥያቄ መመለስ እንደሚቻል እንገልፅላቸዋለን፡፡ ይህ የሚያሳየው አገልግሎቱ ምን ያህል ለሰራተኛው ጥቅም እንደሚሰጥ ነው፡፡ እኛም ሆንን ሰራተኛው የዚህን አገልግሎት ማደግና መጎልበት እንፈልገዋለን፡፡ በተለይ ከሁሉ በላይ ተጠቃሚ የሆነው ከፐብሊክ ሰርቪስ ሰራተኛው አገልግሎት ፈልጎ የሚመጣው ህዝብ ነው፡፡ ያለምንም የሰዓት መሸራረፍ በሰዓቱ የመጣበትን ጉዳይ ፈፅሞ ወደየስራው ይሰማራል፡፡ ይህ የአገልጋዩም የተገልጋዩም ፍላጎት በመሆኑ ድርጅቱ በቀጣይ የሚያደርገው እድገት ውጤቱ እጅግ ተፈላጊ ነው፡፡”አቶ ዘገየ ጨምረው እንደገለፁት መልካም አስተዳደርን እንዲያሰፍን የሚጠበቅበት ሰራተኛ በቅድሚያ የመልካም አስተዳደሩ ተጠቃሚ ሊሆን ይገባል፡፡ እሱ ተጠቃሚ ሆኖ በእርካታ መንፈስ ወደ ስራ ሲገባ ነው ለህዝቡም የተሻለ አገልግሎት የሚሰጠው ይላሉ ፡፡‹‹ በሀገሪቱ ውስጥ ያሉ የትኛውም ዓይነት አገልግሎቶች የፐብሊክ ሰርቪስ ሰራተኛው እጅ በቀጥታም ሆነ በተዘዋዋሪ ሳይነካቸው አያልፉም ፡፡ በኑሮውና በስራው ሁኔታው እርካታ የሌለው ሰራተኛ ሌላውን ያረካል ተብሎ አይገመትም፡፡ ስለዚህ አቅም በፈቀደ ሁኔታ የመልካም አስተዳደሩ ፍሬ ተቋዳሽ ሊሆን ግድ ነው፡፡ መንግስት በተለያየ ጊዜ ይህን ለማድረግ እየሞከረ ነው ሙሉ ለሙሉ እርካታ ተገኝቷል ባይባልም የምንነጋገረው ስለትራንስፖርት ዘርፉ ነውና በዚህ መንገድ ያገኘው እርካታ በተገልጋዩ ላይ የሚታይና የሚዳሰስ ውጤት እንዳለው ነው፡፡ ተገልጋዩም ለውጥ መኖሩን ይመሰክራል፡፡››

ይህ የተገልጋዮች እርካታ ግን አንፃራዊ ነው፡፡ መንግስት የመጀመሪያውን የዕድገትና ትራንስፎርሜሽን ዕቅድ ገምግሞ ለህዝቡ ይፋ እንዳደረገው በቀጣይ ሊደፈኑ የሚገባቸው የመልካም አስተዳደር ቀዳዳዎቹ ብዙ ናቸው ፡፡ ዘርፈ ብዙ ከሆኑ የመልካም አስተዳደር ችግር መገለጫዎች የመንግስትን የስራ ሰዓት አለመጣስ አንዱ ነው፡፡ አቶ ዘገየ እንደሚናገሩት ይህ ችግር አሁን በፐብሊክ ሰርቪስ ሰራተኛው ዘንድ በምሬት የማይገለፅ ችግር እየሆነ ነው ይላሉ፡፡‹‹አሁን ለምሳሌ በእኛ ቢሮ እንኳን ሲታይ ቀደም ሲል በአርፋጅነት የሚታወቁ ሰራተኞቻችን ሳይቀሩ በሰዓትና ከሰዓት በፊት እየገቡ ነው ያሉት ፡፡ ይህ በአብዛኛው መስሪያ ቤቶች ላይ እንዳለ እየተገለፀልን ነው፡፡ ከሁሉም መስሪያ ቤቶች ጋር በየወሩ በምናደርገው ግምገማ ይህን አገልግሎት ተመርኩዞ የተገኙት ውጤቶች እጅግ አበረታች እንደሆኑ ነው፡፡››“የአውቶቡሶቹ ጥራትና ምቾት ደግሞ ሌላው አስደሳች ነገር ነው፡፡ ከካፒቴኑ አለባበስና ሰላምታ ጀምሮ አገልግሎት አሰጣጡ ደስ ይላል፡፡ ለሰራተኞቻችን ክብርን ያጎናፅፋል፡፡ መንግስት ያደረገላቸው ውለታ እንዲያስቡ ያደርጋቸዋል፡፡ ቀድሞ በችግሩ ይሰቃዩ ለነበሩ ሰራተኞች ካሳ ሆኖ ነው የሚሰማን ፡፡ በቀጣይ ተጨማሪ አውቶቡሶች ገብተው ድርጅቱ አቅዶ በተነሳው መሠረት መስራት ከቻለ ደግሞ ያሁኑ አገልግሎት በእጥፍ ያድግና የእርካታው መጠንም ያን ያህል ይጨምራል፡፡›”

ዶ/ር ምስራቅ እንደሚናገሩት የፐብሊክ ሰርቪስ ሰራተኛውን በአገልግሎት ማርካት በእርግጥ ቀዳሚው ቢሆንም በሁለተኛ ደረጃ የድርጅቱ ዓላማ የሆነው ከስራ ሰዓት መግቢያና መውጫ ሰዓት ውጪ ለከተማው ነዋሪ በተመጣጣኝ ዋጋ አገልግሎት መስጠት ሁለተኛ ተልዕኮው ነው፡፡ በዚህ ረገድ ፐብሊክ ሰርቫንቱ ብቻውን የሚሰራው ስራ የለም ፡፡ ነጋዴው ወደ ስራው ሲሄድ ተማሪውና መምህራኑ ወደ ትምህርት ቤታቸው በአግባ ሲጓዙና ሌላውም ህብረተሰብ እንቅስቃሴ ሲያደርግ ነው ስራ ውጤታማ የሚሆነው በዚህ ረገድ በትራንስፖርት አቅርቦት ድርጅቱ ለከተማው ነዋሪ የድጋፍ ሰጪነት ስራውን እየሰራ እንዳለ ቢታወቅም አሁን ካለው የትራንስፖርት ችግር አንፃር አገልግሎቱ ተጠናክሮ ሊሰጥ ይገባል፡፡ ህብረተሰቡም ከዚህ አገልግሎት ተጠቃሚ ሊሆን መብቱ ነው፡፡ ያሉንን አውቶቡሶች በጥናት ላይ ተመርኩዞ ማሰማራት ይገባል፡፡ ተጨማሪ አውቶቡሶች መጨመራቸው ደግሞ የበለጠ አገልግሎቱን ተደራሽ ያደርገዋል ሲሉ ጅምር የድርጅቱን ጥናት ዋቢ በማድረግ ይገልፃሉ፡፡ ዶ/ር ምስራቅ አሁንም ሊስተካከሉ ይገባል የሚሏቸውን ችግሮች ሲገልፁ “ይህ የትራንስፖርት አገልግሎት ሠራተኛው የስራ ሰዓት መግቢያና መውጫውን እንዲያከብር ያደረገው አስተዋፅኦ ከፍተኛ ቢሆንም አሁንም ሰርቪስ ያመልጠናል በሚል ከ11፡30 በፊት የሚወጡ ሰራተኞች እንዳሉ ይገለፃል፡፡ በመሆኑም ይህ ሁኔታ በደንብ ተጠንቶ ሰራተኛው በትክክል መነሻ ሰዓቱን እንዲረዳና እንዲተገብር ከመነሻ ሰዓት ውጪ አውቶቡሶቹ እንዳይንቀሳቀሱ መደረግ ይኖርበታል፡፡”

አቶ ዘገየ እንደገለፁት ደግሞ ጥናታቸው የሚጠቁመው ይህ አገልግሎት ከተጀመረ ጀምሮ የፐብሊክ ሰርቪስ የሰራተኛው ከሥራ መልቀቅ ሁኔታ እጅግ ቀንሷል፡፡ “ሰራተኛው ይህን አገልግሎት ማጣት ስለማይፈልግና በአገልግሎቱ የሚያገኘውን ሁለንተናዊ ጥቅም ላለመነፈግ ሲል ከስራ ለመልቀቅ ጥያቄ የሚያቀርብበት ሁኔታ ከወትሮው ልዩነት አምጥቷል፡፡ እዚህ ከአንድ መስሪያ ቤት ወደ ሌላ በዝውውር ወይም ተወዳድሮ ይገባል እንጂ ወደ ሌላ ማሰቡ በእጅጉ ቀንሷል ለማለት ይቻላል፡፡ ሌላው ደግሞ ቀደም ሲል ለትራንስፖርት ሲል ‹‹ወደ ቤቴ ቀረብ ብዬ ልመደብ ›› የሚል አስቸጋሪ ጥያቄ ነበር ቢሯችንን የሚሞላው አሁን ግን እንደሱ አይነት ጥያቄ ቀርቶልናል፡፡ ምክንያቱም ቤቱ የትም ሆነ የት በሰርቪስ ስለሚመጣ የቤቱ እርቀት እንዳያሳስበው ሆኗል፡፡ በአጠቃላይ ለኤጀንሲያችን አገልግሎት የሰጠው ጠቀሜታ በብዙ መልኩ የሚገለፅ ነው፡፡”ዶ/ር ምስራቅ መኮንን የተገኘውን ውጤት ሲገልፁ “ቀደም ሲል የትራንስፖርት አገልግሎቱ ሳይጀመር ሰራተኛው ወደ ስራ ገበታው የሚደርሰው ተንገላቶ ቆዝሞና ተከፍቶ ነው ይህ ስሜት በሰዓቱ ገብቶ ለተገልጋዩ የሚፈለግበትን ሁሉ በኃላፊነትና በፍላጎት በተቀላጠፈ ሁኔታ እንዳይሰጥ አድርጎት ቆይቷል፡፡ አሁን ይህ ችግር በአብዛኛው ተቀርፏል የድካምና የመሰላቸት ስሜት አይታይበትም በዚህ ሁኔታ ሲታይ አገልግሎቱ መልካም አስተዳደርን በተገልጋዩ ዘንድ ከማስፈን አንፃር ችግር ፈቺ ነበር ለማለት ያስችላል፡፡ ዶ/ር ምስራቅ መኮንን ደግሞ የአገልግሎቱ መጀመር የነበረውን የፍትሐዊነት ጥያቄ በመመለስ የራሱ ድርሻ ነበረው ይላሉ ፡፡

“ቀደም ሲል አንዳንድ የሲቪል ሰርቪስ መስሪያ ቤቶች የራሳቸውን ትራንስፖርት (ሰርቪስ) ለሠራተኞቻቸው መድበው ሰራተኞቻቸውን ወደ ስራ ሲያስገቡና ማታም ወደ ቤታቸው ሲያደርሱ ሌሎች ይህን ለማድረግ አቅሙ የሌላቸው መስሪያ ቤቶች ሰራተኞቻቸው በትራንስፖርት ችግር ደክመውና ተንገላተው ነበር ወደ ስራ ገበታቸው የሚደርሱት፡፡ ለኛስ ለምን አገልግሎቱ አይሰጥም? የሚል የግትሀዊነት ጥያቄ በተለያየ መልኩ ያነሱ ነበር ፡፡ ይህ አገልግሎት መጀመሩ ጥያቄዎቹን በመብት ደረጃ ሊፈታ ችሏል፡፡ ምንም እንኳን ካሉን የአውቶቡሶች ቁጥር ማነስ አንፃር ሁሉንም በተፈለገው መጠንና ደረጃ እየተጠቀመ ነው ለማለት ባይቻልም በመርህ ደረጃ የፍትሀዊነት ጥያቄን ግን መልሷል፡፡ በቀጣይ በተሟላ አቅም መስራት ሲጀምር ደግሞ ውጤቱ የበለጠ ሁሉንም የሚያረካ ይሆናል፡፡መንግስት ለፐብሊክ ሰርቪስ ሰራተኛው ይህን አገልግሎት ሲሰጥ ሰራተኛው ለህዝቡ የሚሰጠውን ጥቅም በማሰብ ነው፡፡ እፎይታን አግኝተናል ያለው ሰራተኛው በምትኩ ለአገልግሎት ፈላጊው ህብረተሰብ ሊያደርገው ይገባዋል ያሉትን የአዲስ አበባ ሲቪል ሰርቪስ ኤጀንሲ ዋና ዳይሬክተር እንዲህ ይገልፁታል፡፡

አገልግሎቱ በመጀመሩ ምን አይነት ጥቅሞች ይገኛሉ ?

“መንግስት ከፍተኛ በጀት በጅቶ፣ የነዳጅ ወጪውን ችሎ፣ ሹፌር ቀጥሮ ያለምንም ክፍያ ይህን አገልግሎት ሰጥቶ ሰራተኛው ከደሞዙ ያወጣ የነበረውን ወጪ አስቀርቶ ለሥራ ዝግጁ ሲያደርገው ሰራተኛው በአንፃሩ የመንግስትን ውለታ ሊከፍል የሚችለው ለህዝቡ የሚሰጠውን አገልግሎት በመጨመር ነው፡፡ ተቸግሮ ፍትህን ፈልጎ ለሚመጣው ተገልጋይ በሀቀኝነትና በታማኝነት ከአድሎና ከሙስና በፀዳ መልኩ ቀልጣፋና እርካታው በሚመዘን ሁኔታ አገልግሎት ከመስጠት የላቀ ወገናዊና ሀገራዊ ተግባር የለም ፡፡ ሰራተኛው ይህን በመፈፀም የመሪነት ሚናውን ሊጫወት ይገባል፡፡ በእርግጥ የሰራተኛው ፍላጎት ሙሉ ለሙሉ ተሟልቷል ባይባልም ሀገራችን ያቀደችው የእድገትና ትራንስፎርሜሽን ዕቅድ ተሳትክቶ ወደ ላቀ ከፍታ ስንደርስ ጥያቄዎቹ ሊመለሱ እንደሚችሉ ታሳቢ አድርጎ ዛሬ የቤት ስራውን ሊሰራ ይገባል፡፡ መንግስት እንደ መንግስት ህዝብ እንደህዝብነቱ ያለባቸውን ሀገራዊ ግዴታ ሲወጡ ነው ይህ ሊሳካ የሚችለው፡፡ እንደ ኤጀንሲ የምናስተላልፈው የአዲስ ዓመት መልዕክት ይህ ነው፡፡ የሲቪል ሰርቪስ ሰራተኛው እያደረገ ካለው ጥረት በላቀ ሁኔታ ተልዕኮውን ተግባራዊ ሊያደርግ ይገባል፡፡ ይህ ደግሞ የዜግነትም የህሊና ግዴታ ነው፡፡››

ለድርጅቱ ሰራተኞችና የማኔጅመንት አባት የእንኳን አደረሳችሁ መልዕክት ያስተላለፉት የአዲስ አበባ ሲቪል ሰርቪስ ኤጀንሲ ዋና ዳይሬክተር እንደገለፁት አንገታችንን ያስደፋን የድህነት ታሪክ ተቀይሮ ወደ ላቀ ደረጃ መሸጋገር የምንችለው ሁሉም በተሰማራበት የሙያ መስክ የድርሻውን ሲወጣ ነው፡፡ የሚታዩ የመልካም አስተዳደር እጦቶች በህዝቡ ላይ የሚያሳድሩትን ተስፋ የመቁረጥ ስሜት ተገንዝቦ የሲቪል ሰርቪስ ሰራተኛው ለመንግስት ዕቅድና ስትራቴጂ እውን መሆን ግንባር ቀደም ሚናውን ሊወጣ ይገባል፡፡ ይህ ሲሆን ነው የተገኙ ሁለንታዊ የልማት ድሎቻችንን ለማስጠበቅ ብሎም ወደ ላቀ ከፍታ ለማሸጋገር አቅሙንና ጉልበቱን የምናገኘው፡፡

የሲቪል ሰርቪስ ሚንስቴር ዲኤታ ክብርት ዶ/ር ምስራቅ መኮንን በስተመጨረሻ ያስተላለፉትን የእንኳን አደረሳችሁ መልዕክት የፅሑፋችን መደምደሚያ አድርገነዋል፡፡

“ከጥናቱ መነሻ ጀምሮ ስለነበርኩና የድርጅቱን አመሰራት በቅርበት ስለማውቅ አንድ ዓመት ሙሉ ህዝቡን በተለይም ፐብሊክ ሰርቫንቱን ሲያገለግል ለማየት በመቻሌ ክብርና ኩራት ይሰማኛል፡፡ ምንም እንኳን መንግስት በሁለተኛው የዕድገትና ትራንስፎርሜሽን ዓመት ሊዋጋቸው በቁርጠኝነት የተነሳባቸው የመልካም አስተዳር ችግሮች እንደተጠበቁ ቢሆንም የመንግስት ዕቅድ ተሳክቶ በትራንስፖርት እጥረት ሳቢያ በአገልግሎት ፈላጊው ሕዝብ ላይ ይደርስ የነበረውየመልካም አስተዳደር እጦት ተቃሎ በማየቴ ደስታዬ ወደር የለውም ፡፡ ከጠንካራ ጎኖቻችን በበለጠ ድክመትና ጎዶሎዎቻችን ላይ አተኩረን በመስራት መጪውን ጊዜ የበለጠ አገልግሎት የምንሰጥበት ጊዜና ዓመት እንዲሆን በሚንስቴር መስሪያ ቤቱና በራሴ ስም መልካም ምኞቴን እገልፃለሁ፡፡